عدد الرسائل : 1529 العمر : 30 الموقع : الكرة الأرضية تاريخ التسجيل : 26/01/2009
موضوع: قصة مضحكة هههههههههههههههه الثلاثاء مايو 26, 2009 8:45 pm
كان يا ما كان في قديم الزمان، ملك عنده ثلاث بنات. حب في يوم من الايام انه يختبر حبهم اله. جاب الكبيرة وقالها : يابا يا حبيبتي قديش بتحبي ابوك الملك . البنت من غير تفكير : بحبك قد ما السمك بحب البحر . الملك فكر وقال في باله : ايهو السمك بقدر يعيش بدون بحر . هاي البنت بتحبني كتير . وقال الها : انا كنت عارف انك بتحبيني بس مش لهدرجة . وقام اعطاها قصر كبير ومجوهرات . جاب البنت التانية وسألها نفس السؤال . فقالتله : بحبك قد ما الطير بحب السما . انبسط الزلمة وكيف . واعطاها قصر جنب اختها ومجوهرات بعدين جاب البنت الصغيرة ( اخر العنقود اللي بموت فيها ) وسألها نفس السؤال . قامت جاوبته : بحبك قد ما الدقة ( يعني زعتر ) بتحب الشطة الزلمة زعل وعصب وقام لفحها كف. ومسكها من شعرها وزتها برة القصر. وما رضي يسمع منها ولا نص كلمة. البنت دارت بالحواري وعلى ارصفة الطرقات وتسمع كلمة من هاد وكلمتين من هداك . لغاية ماجاها مزارع مسكين حبها وحبته وراحوا تزوجوا و سكنوا بالكوخ تبعه اللي بنص الغابة . ودارت الايام ومرت الايام . وفي يوم من الايام كان الملك قاعد بتصيد بالغابة ونسي حاله وسرح وضاع بالغابة. دور على المرافقين . ولا هم هون . طب الحرس . فص ملح وداب .؟؟؟؟؟؟؟؟ . ضل الملك يمشي ويمشي لغاية ما لقي هالكوخ لصغير . قالبفوت برتاح وباكلي لقمة . دق على الباب فتحلوا صاحب البيت وهو مش عارفه . دخلوا جوا وهو شايفه تعبان . وصار يحكي مع الزلمة... مرته مش خافي عليها الصوت ........ قام الزلمة بيقول للمرة اذبحيلنا جاجتين خلينا نتعشى ونعشي الضيف . المرة مين طبعا ؟؟؟؟؟؟؟؟؟ واضحة بنت الملك المقصوفة الصغيرة بدت تشتغل بالجاجات وخطر على بالها فكرة . نادت جوزها وقالتله خود شوية الدقة ( يعني زعتر ) هاي مع صحن زيت سلكو فيهم على بين ما يخلص الاكل شكله الزلمة ميت جوع . والله الزلمة عجبته الفكرة وقام حط الزيت والدقة قدام الملك وقاله : اتفضل يا عمي على بين ما يجهز الاكل . الملك ميت جوع وهو بحب الدقة ( كمان يعني زعتر ) كتير . ما بلع اول لقمة ولا صار بده يستفرغ . وصاح بالزلمة : ولك شو هاد دقة من غير شطة ؟؟؟ كيف بتاكلوها هاي ؟؟؟؟ خخخخخخخ (هاي ضحكه صفرا) ؟؟؟؟؟ وفجأة اتذكر بنته الصغيرة وصار يعيط زي الهبايل . قاله الزلمة :. شو مالك يا زلمة انت العاقل . كل هاد مشان شوية دقة ( زعتر يا جماعة ) هسة الجاج بخلص . قلعطتني ( هاي ما بدها شرح ) . شو. راح الملك حكى للزلمة القصة . وهو خلص من هون نطت البنت وقالت : بخ كيفك بابا ؟ عرفت اديش بحبك يا فالح . ؟؟؟؟؟؟؟ وهيك عرف الملك قديش بتحبه بنته . وجابتله دقة بشطة . طبعا ما اكل منها ولا لقمة لانه نزل بالجاج جرد واعطاها قصرين ومجوهرات و سوبر ماركت و كروز دخان وشغل جوزها ضريب مواس عنده وتوته توته خلصت الحدوتة....
rock girl جنائي مو ملحق شو بدو يحكي ليحكي
عدد الرسائل : 239 تاريخ التسجيل : 20/03/2009
موضوع: رد: قصة مضحكة هههههههههههههههه الأربعاء مايو 27, 2009 8:54 pm
هههههههههههههه حلوة كتييييير ومشكورة كتييير يا بنت فلسطين
3aBooD جنائي فضي
عدد الرسائل : 812 العمر : 28 تاريخ التسجيل : 04/05/2009
موضوع: رد: قصة مضحكة هههههههههههههههه الأربعاء مايو 27, 2009 9:10 pm
ههههههههههههههههههههههههههه القصة تحشيش يسلمو اكتير
bent falas6een جنائي ذهبي
عدد الرسائل : 1529 العمر : 30 الموقع : الكرة الأرضية تاريخ التسجيل : 26/01/2009
موضوع: رد: قصة مضحكة هههههههههههههههه الخميس مايو 28, 2009 2:27 pm
ههههه الله يسلمكم يا جماعة ومشكورين ع المرور
ابو التعب مساعد المدير
عدد الرسائل : 2911 العمر : 32 الموقع : عمارة أبو راغب تاريخ التسجيل : 14/02/2008
موضوع: رد: قصة مضحكة هههههههههههههههه الخميس مايو 28, 2009 10:00 pm
مشكوووووووووورا علي القصة الحلوه
bent falas6een جنائي ذهبي
عدد الرسائل : 1529 العمر : 30 الموقع : الكرة الأرضية تاريخ التسجيل : 26/01/2009
موضوع: رد: قصة مضحكة هههههههههههههههه الخميس مايو 28, 2009 10:04 pm
العفووو و مشكور ع المرور
الزعيمة مشرفة قسم الأغاني
عدد الرسائل : 1694 العمر : 33 الموقع : الله بيعلم تاريخ التسجيل : 07/05/2008
موضوع: رد: قصة مضحكة هههههههههههههههه الجمعة مايو 29, 2009 11:56 am
هههههههههههههههههه يسلمون
bent falas6een جنائي ذهبي
عدد الرسائل : 1529 العمر : 30 الموقع : الكرة الأرضية تاريخ التسجيل : 26/01/2009
موضوع: رد: قصة مضحكة هههههههههههههههه الجمعة مايو 29, 2009 9:14 pm
الله يسلمك
بنــت نــــاس مـا تــنداس جنائي ذهبي
عدد الرسائل : 1171 العمر : 31 الموقع : وين ما الله حطني انا موجوده تاريخ التسجيل : 04/03/2009
موضوع: رد: قصة مضحكة هههههههههههههههه السبت مايو 30, 2009 11:03 am